மது குடித்த ஒருவருக்கு நடப்பது என்ன??

ஒருவர் மது குடித்தவுடன் அதில் இருக்கும் அல்கஹோல் மிக விரைவில் இரத்தத்தில் கலக்கிறது. மற்ற உணவைப்போல் இது ஜீரணிப்பது இல்லை. எளிதில் உறுங்சப்பட்டு இரத்தத்தில் கலக்கும் அல்கஹோல் தண்ணீரிலும் கொழுப்பிலும் கரையும் தன்மை கொண்டது. 

இதனால், விரைந்து உடல் உறுப்புகளுக்கு செல்கிறது. அதிலும் அதிக இரத்த நாளங்கள் மற்றும் அதிக நீர்த் தன்மை கொண்ட மூளைக்கு அதிகளவு அல்கஹோல் செல்கிறது. இதுபோல் கல்லீரலுக்குச் செல்லும் அல்கஹோல் 'டி ஹைட்ரோஜீனேஸ்' என்ற ஓமோனைச் சுரக்கிறது. இது அல்கஹோலை, விஷத்தன்மை மிக்க 'அசிட்டல்டிஹைட்' ஆக மாற்றுகிறது. இந்த அசிட்டல்டிஹைட் உடலின் அனைத்துப் பாகங்களையும் பாதிக்கிறது.

இந்த விஷத்தன்மை கொண்ட 'அசிட்டல்டிஹைட்' ஓமோனானது 'டிஹைட்ரோஜீனேசைத்' தூண்டுகிறது. இதன்போது 'அசிட்டல்டிஹைடை' ஆனது 'அசிட்டேட்' அல்லது 'அசிட்டிக் ஆசிட்' ஆக மாற்றி உடலில் இருந்து வெளியேற்றுகிறது. இந்த ஓமோன் சுரப்பு குறைவாக இருப்பவர்களின் உடலை விட்டு அல்கஹோல் வெளியேறுவதில் சிக்கல் ஏற்படும். இதனால், மூளை நரம்புகள் பாதிக்கப்பட்டு வன்முறை நடவடிக்கை அதிகரிக்கும். வாந்தியைக் கட்டுப்படுத்தும் மூளைப் பகுதி பாதிக்கப்படுவதாலும் விஷத்தன்மை மிக்க 'அசிட்டல்டிஹைட்' மூளையின் இரத்தத்தில் சுற்றுவதாலும் வாந்தி ஏற்படும்.

மேலும், 'அன்டி டயூரிட்டி' ஓமோன் சுரப்பையும் அல்கஹோல் பாதிக்கிறது. இதனால், உடலின் நீர் சமநிலை பாதிக்கப்படும். சிறுநீரில் உள்ள அதிகப்படியான தண்ணீரை மீண்டும் கிரகிக்க முடியாத நிலை சிறுநீரகத்திற்கு ஏற்படும். இதனால் உடலில் நீர் இழப்பு ஏற்படும். இது கழுத்து வலி, முதுகு வலி, தலைவலி முதலியவை ஏற்படும். அல்கஹோல் காரணமாக கணயம் - சதையீ -அதிக இன்சுலினைச் சுரக்கும். இதனால், இரத்தத்தல் குளுக்கோஸின் அளவு திடீரெனக் குறையும். இதனால் தலைவலி, வாந்தி ஏற்படும்.அல்கஹோல் உட்கொள்வதால் இரத்த நாளங்கள் விரிவடைகின்றன. இதனால் இதய கோளாறுகள் ஏற்படும்.மேலும் உடல் வெப்பநிலையும் குறையும். 

குடித்த உடன் பேச்சுக் குளறல், தூக்கம், வாந்தி, பேதி, வயிற்றுக் கோளாறு, தலைவலி, சுவாசக்கோளாறு, காது கேளாமை, முடிவெடுக்க முடியாமை, சுய நினைவை இழத்தல், இரத்த சோகை உள்ளிட்டவை ஏற்படும். மேலும், அதிக இரத்த அழுத்தம், மாரடைப்பு, இருதயக் கோளாறு, கல்லீரல் பாதிப்பு, நரம்புக் கோளாறு, மூளை பாதிப்பு, குடும்ப வன்முறை, அல்சர், வாய்ப்புற்று நோய், தொண்டை புற்றுநோய் உள்ளிட்டவையும் ஏற்படும். 

இவ்வாறு அல்கஹோல் செய்யும் கெடுதல்களின் பட்டியல் நீளமானது. ஆனால், நன்மை எதுவுமே இல்லை.